Limaskapur
Fakfeløg, hvørs limir í minsta lagi hava bachelor – ella samsvarandi hægri, akademiska útbúgving, kunnu gerast limir í AKF.

Aðalfundurin viðger umsóknir um limaskap og ger av, um umsóknin skal gangast á møti.

Einstaklingar kunnu ikki gerast limir í AKF, hesi skulu í staðin søkja um limaskap í avvarðandi limafelagi.

Almennur starvsfólkapolitikkur um setan er galdandi fyri størv á almenna arbeiðsmarknaðinum

Fleiri arbeiðspláss hava eisini lokalar starvsfólkapolitikkir

Í seinasta lagi 14 dagar eftir setanina fær starvsfólkið setanarbræv. Í setanarbrævinum
skal standa:
• navn og bústaður hjá setanarmyndugleikanum og tí setta,
• nær setanin tekur við, og um setanin er tíðaravmarkað, nær hon so endar,
• galdandi sáttmáli millum omanfyri nevndu partar at ganga eftir,
• starvsheiti,
• byrjanarløn (grundløn og førleikaløn),
• eftirlønargjald,
• starvsaldur og næstu broytingar í starvsaldri,
• uppsagnartíð frá arbeiðsgevara og setta,
• setanarbrotpartur, arbeiðstíð
• frítíð við løn og frítíðarískoyti,
• setanarøki og
• arbeiðsstaður/staðir í løtuni (fatar arbeiðið um fleiri arbeiðsstaðir, skal verða viðmerkt á hvørjum
  arbeiðsstaði umsøkjarin hevur høvuðsstarv).

Alment um viðbøtur fyri leiðarastørv eftir AKF sáttmálanum.

Viðurskifti, sum hava týdning, tá støða skal verða tikin til, hvussu eitt deildarleiòarastarv veròur flokka, og hvør viòbót verður givin eru m.a.:

•          Innihaldið og ábyrgdarstigið í starvinum

•          Ábygdarøkið

•          Vavið og slagið av arbeiòsleiòslu

•          Hvussu Iíknandi størv eru flokka

I metingini, út frá nevndu eyðkennum, verður í praksis ofta hugt eftir, hvussu nógvum starvsfólkum viðkomandi er leiòari fyri.

Deildarleiòarir flokkaòir sum deildarleiðari 1, hava vanliga 1-3 starvsfólk, meòan deildarleiðari 2 hava 4 til 10-12 starvsfólk. Tá leiòari verður flokkaður sum deildarleiöari 3, er talan um heilt stórar deildir, men tað eru einkult dømi um, at henda flokking er brúkt til størv, sum hava serliga tyngjandi ábyrgd og trýst í starvinum.

I samráðingunum viðvíkjandi sáttmálan fyri tíðarskeiði 2015-2017 var viðbótin til deildarleiðara 1 broytt til eisini at umfata verkætlanarleiðara.

Ætlanin við hesari viðbót var, at leiðarar av stórum verkætlanum, sum í vavi kunnu samanberast við taò, at hava ábyrgd av einari deild (starvsfólk, fíggjarlig- og umsitingarlig ábyrgd), fáa somu viòbót, sum deildarleiðarar á fyrsta stigi. Talan skal vera um verkætlanir, sum krevja serligar førleikar innan verkætlanarleiòslu, og sum viòføra stóra ábyrgd m.a. fíggjarliga. Verkætlanin Glasir er í fundarfrásøgn okkara nevnt sum eitt dømi. Ætlanin viò viòbótini var sostatt ikki, at hon veròur latin til starvsfólk, sum natúrliga í sínum starvi, leypandi hava fleiri smærri verkætlanir.

Deildarleigara 1 viðbótin er í einstøkum førum eisini latin í samband við størv við ábyrgd fyri samansettum heildum, sum hava serliga tyngjandi fakliga ábyrd, uttan at talan er um beinleiðis starvsfólkaábyrgd, til dømis størv sum útbúgvingarleiðari á Fróðskaparsetrinum.

Áðrenn føðing hevur tú rætt til 4 vikur, ella 8 vikur, um lækni mælir til tað.

Foreldrini eiga rætt til 52 vikur tilsamans eftir at barnið er borið í heim. Tíðarskeiðið frá barnsburði til og við 14. viku eftir barnsburð, er viðurkent sum eitt verndartíðarskeið fyri mammuna og er grundað á serliga tørvin hjá henni at vera um barnið. Í verndartíðarskeiðnum er líkskaparreglan ikki galdandi og loyvt er, at mamman hevur betri lønar- og setanartreytir enn pápin/sammóðurin. Tíðarskeiðið eftir 14. viku er hinvegin fevnt av líkskaparregluni, og mismunur er ikki loyvdur.

Pápin/sammóðuin eiga 4 vikur, sum tey kunnu leggja samstundis sum mamman er í farloyvi innanfyri fyrstu 52 vikurnar. Foreldrini kunnu býta 34 vikur sínámillum, sum skulu liggja eftir 14. viku eftir at barnið er borið í heim og innanfyri fyrstu 52 vikurnar. Undantikið tær 4 vikurnar, sum pápin/sammóðir eiga kunnu foreldrini ikki vera í barnsburafarloyvi samstundis, og til ber ikki at vera í barnsburðafarloyvi í styttri enn 7 dagar í senn.

Gjaldið úr barnsburðagrunninum er í mesta lagi er 25.000 kr.. Hetta verður roknað við støði í inntøkuni tú í meðal hevur havt seinastu 12 mánaðarnar. Er hon lægri enn 25.000 kr., verður barsilsgjaldi samsvarandi meðal lønini, er hon hægri verður gjaldið 25.000 kr.

Ert tú sett eftir sáttmálanum millum AKF og Fíggjarmálaráðið, hevur tú rætt til barsilsfarloyvi við fullari løn í 4 vikur undan og 24 vikur eftir  at barnið er borið í heim, treytað av at pápin/sammóðir ikki er í farloyvi samstundis. Tú hevur skyldu til at boða stovninum frá í minsta lagi 3 mánaðar undan mettari føðing.

Vónandi svara hetta spurninginum hjá tær. Um ikki so skriva til skrivstova@akf.fo ella ring á 253440. 

Tú eigur rætt til 4 vikur, sum tú kanst leggja samstundis sum mamman er í farloyvi innan fyri fyrstu 52 vikurnar eftir at barnið er føtt. Í hesar 4 vikurnar hevur tú rætt til gjald úr barnsburðagrunninum, sum í mesta lagi er 25.000 kr.. Hetta verður roknað við støði í inntøkuni tú í meðal hevur havt seinastu 12 mánaðarnar. Er hon lægri enn 25.000 kr., verður barsilsgjaldi samsvarandi meðal lønini, er hon hægri verður gjaldið 25.000 kr.

Annars er galdandi, at tíðarskeiðið frá barnsburði til og við 14. viku eftir barnsburð, er viðurkent sum eitt verndartíðarskeið fyri mammuna og er grundað á serliga tørvin hjá henni at vera um barnið. Í verndartíðarskeiðnum er líkskaparreglan ikki galdandi og loyvt er, at mamman hevur betri lønar- og setanartreytir enn pápin/sammóðurin. Tíðarskeiðið eftir 14. viku er hinvegin fevnt av líkskaparregluni, og mismunur  er ikki loyvdur.

Tað merkir, at av 52 vikum eftir føðing eigur manna 14 vikur, pápin/sammóðir eigur 4 vikur samstundis sum mamman er í farloyvi, og foreldrini kunnu býta 34 vikur sínámillum, tey hava tó ikki rætt til barsilsfarloyvi samstundis.

Ert tú settur eftir sáttmálanum millum AKF og Fíggjarmálaráðið hevur tú tó rætt til barsilsfarloyvi við  sáttmálaløn í 10 vikur eftir viku 14, treytað av at mamman ikki er í farloyvi samstundis, og treytað av at mamman ikki nýtir hesar 10 vikurnar við sáttmálaløn. 

Vónandi svara hetta spurninginum hjá tær. Um ikki so skriva til skrivstova@akf.fo ella ring á 253440. 

Barsilsfarloyvi er at rokna sum ein frítíðarforðing, ið merkir, at arbeiðsgevarin ikki kann krevja, at frítíðin skal verða hildin, meðan starvsfólkið er í barsilsfarloyvi. Tó kann frítíðin verða hildin, vil starvsfólkið tað. Verður frítíðin ikki hildin, hevur starvsfólkið rætt til aðra frítíð. Sum dømi er nevnt: Eigur kvinnan, áðrenn frítíðin skal haldast, hevur hon rætt til aðra frítíð. Eigur kvinnan, tá ið hon er farin í frí, hevur hon, vegna hesar serligu umstøður, rætt at halda írestandi frítíðina seinni

Í barsilslógini stendur, at kvinnuligur løntakari, sum nýtir rættin til barsilsfarloyvi, skal innan 8 vikur eftir barnsburð boða arbeiðsgevara sínum frá, nær hon byrjar at arbeiða aftur.

Tað vanliga er, at man avtalar við arbeiðsgevaran, hvussu man heldur sín barsil, herundir hvussu leingi man ætlar at vera í barsli, og hvussu ferian verður hildin í sambandi við barslin. Tað vanliga er at leggja feriuna í forleingilsi av sjálvum barslinum, men tað er heilt upp til tín at gera av saman við arbeiðsgevaranum.

Vónandi svara hetta spurninginum hjá tær. Um ikki so skriva til skrivstova@akf.fo ella ring á 253440. 

Verður drúgt yvirtíðararbeiði álagt starvsfólki, verður hetta samsýnt sum yvirtíðarløn,
t.e. við einum tímalønarsatsi, ið er 140% av vanligu tímalønini hjá viðkomandi.
Verður yvirtíð avspákað, verður tað í lutfallinum 1,4 tíma fyri hvønn yvirtíðartíma.

At yvirtíðin skal vera áløgd merkir, at hon skal avtalast við arbeiðsgevaran, er hon ikki tað, er einki krav um yvirtíðarløn.

Yvirtíð, sum ikki er drúgv ella áløgd telur bara tíma fyri tíma.

Eitt nú tá ið arbeiðspláss eru undirmannað í samband við sjúku ella feriu, ella serligar uppgávur liggja og bíða, kunnu gerast avtalur um sjálvboðið eyka arbeiði. Avtalað verður ein føst tímaløn, og vikið verður frá øllum avtalum um gjøld fyri ólagaliga arbeiðstíð o.a. Avtalaða tímalønin kann tó ongantíð
vera hægri enn yvirtíðarlønin.

Starvsfólkið og arbeiðsgevarin gera avtaluna, sum skal leggjast fyri álitisfólkið at góðkenna. Er einki álitisfólk, so vend tær til felagið á telefon 253440 ella á teldupostadressu skrivstova@akf.fo